Trenbidearen trazadura berreskuratzea albiste ona bada ere, tamalgarria da orain durangarrak izatea aurrekontuan sartutako obren kostua osorik ordaindu behar dugunak, milioi bat eurokoa. Oraingoz, ez dago jasota Eusko Jaurlaritzak erabilera laga duenik, ez dago jakiterik noiz eta zenbat denborarako izango den. Zenbat denborarako lagako digu Eusko Jaurlaritzak lursailaren erabilera? Durangarrok zer berme izango dugu Durangokoa ez den lursail batean diru publikoa jartzeko? Zer berme eskaintzen dizkigu gobernu-taldeak durangarroi lagapen horri buruz?

Hasierako akordioan, Eusko Jaurlaritza prest zegoen obrak egiteko eta kostuaren zati bat bere gain hartzeko, bakoitzaren baldintzak eta betebeharrak hitzarmen batean behar bezala jasota baitzeuden, baina orain gobernu-taldea prest dago trazadura berreskuratzearen kostu osoa bere gain hartzeko, inolako hitzarmenik sinatu gabe eta segurtasun juridikoa emango digun legez baliozkotutako akordiorik sinatu gabe. Gainera, oraindik ez dugu ulertzen gobernu talde honek Trenbideko BEPBn Bereizmen Handiko Osasun Zentro bat eraikitzeko aukerari atea ixten jarraitzea, Josune Escota zinegotzi jeltzaleak azaldu duenez.

Duela hilabete eskas, Durangoko EAJ-PNVk Durangotik igarotzen den trenbide-trazadura berreskuratzeko beharrezko urratsak emateko eskatu zion gobernu-taldeari. Zor hori duela urte askotatik dago zintzilik durangarrekin, eta trenbidea lurperatzeko eta BEPBren eremua berrurbanizatzeko aldez aurretik lortutako akordioaren zati bat zen. Hitzarmen hori duela urte batzuk gauzatuta egon zitekeen, baina EH Bilduk eta Herriaren Eskubidea-Podemosek geldiarazi egin zuten, hura judizializatuta. Jatorrizko akordio horretan, ETSk ekiten zien obrei eta horien zati bat finantzatzen zuen. Orain, gobernu-talde honen kudeaketa eskasa dela eta durangarrak ordaindu beharko du osorik eta dena Durangorentzat aurreko akordioa onuragarriagoa  zela  ez aitortzearren.

Gogoratu behar da EH Bilduk eta Herriaren Eskubidea-Podemosek legealdi honetan lortutako aurreakordioaren bidez, legezko baliorik gabe jarraitzen duenak, Durangok bere ondarea galaraziko lukeela, Eusko Jaurlaritzari Pinondo Etxea eta San Agustin ospitale zaharra lagata. EAJ-PNVk ondarea mantentzeko eta Trenbideko BEPBn Gernikako Ospitalea bezalako Bereizmen Handiko Osasun Zentro bat eraikitzeko aukerari eusten dio.