EAJ-PNV udal taldea EAJ-PNVren Durangoko Udal Batzarrak Ezkurdiko monolitoaren aurrean antolatu duen elkarretaratzean eta lore eskaintzan izango da bihar.

Mononolito hau 2007an jarri zen ETAk Durangon hildako biktimen omenez, eta herriaren etengabeko oroitzapena irudikatzen du. EAJ-PNVk uste du espazio egokia dela terrorismoaren biktimei eta haien familiei omenaldia egiteko, eta hala jakinarazi dio gobernu-taldeari. Hala ere, Kurutziagan udal ekitaldi instituzionala deitzea alde bakarrez erabaki du, 2021ean bi guneen arteko ekitaldia txandakatzeko lortutako akordioa bete gabe.

Nolanahi ere, Durangoko EAJ-PNV udal taldeko ordezkariak Udalak 19:00etan Kurutziagan deitutako ekitaldira ere joango dira, biktima guztiei dagokien memoria, erreparazioa eta elkartasuna babesteko; ETAk, GALek edo beste talde batzuek eragindakoak babesteko, inolako bazterketarik eta justifikaziorik gabe.

Memoria osasuntsu eta sendagarri bat eraikitzeko, prozesu horrek modu solemne, ofizial eta zalantzarik gabean zehaztu behar du terrorismoak eragindako mina, hura eragin zuen erakunde terrorista edozein izanda ere, bidegabea eta justifikaziorik gabea izan zela.