Durangoko EAJ-PNVk gogorarazi du 2021eko aurrekontu-akordioa betetzeko zain jarraitzen duela. Akordio horretan, bizikletak aparkatzeko gune estali eta seguru bat instalatzea jasotzen zen. Proposamen hori EH Bildurekin eta Elkarrekin Podemos- Herriaren Eskubidearekin adostu zen, 2021eko aurrekontuetarako 40.000 euroko zuzkidurarekin. Akordio hori, 2023ko aurrekontuak lantzen ari direnean, gauzatu gabe dago oraindik.

Durangoko EAJ-PNVren programan hartutako konpromisoetako bat Durango mugikortasun berriaren laborategi bihurtzea zen, etorkizuneko mugikortasunaren laborategi, bizikleta ikur duena, eta horretarako lanean ari gara. Horretarako, baliabideak bultzatu eta hobetu behar ditugu durangarrek ibilgailu hori erabil dezaten. “Bizikletaren erabilera sustatzeko aukera paregabea dugu orain, Amorebieta-Etxano eta Durango lotuko dituen bizikleta-pista bezalako ekimen garrantzitsuekin. Baina hori ez da nahikoa, ekimen horrekin batera beste neurri batzuk hartu behar dira. Badakigu bizikletentzako gune estali bat funtsezko zerbitzua dela mugikortasun eredu berri baten sustapenean eragiteko, desplazamendu aktibo eta jasangarriak motordunen aurretik lehenetsiz", azaldu du Mireia Elkoroiribe bozeramaile jeltzaleak.

Horrekin batera, “bidegorrien sarea amaitzearen aldeko apustua egiten dugu, bai eta Askatasun Etorbideko bidegorria Iurretarekin Alluitz kaletik lotzeko, aparkaleku estali eta seguru gehiago jartzeko, bai tren-geltokian, bai jendearen mugikortasun handiko beste gune batzuetan, eta prestakuntza eta sentsibilizazioa eskaintzen jarraitzeko bizikleten eta oinezkoen arteko bizikidetza atsegin eta seguru baterako ere”, azpimarratu du Elkoroiribek

Durangoko EAJ-PNVk inoiz baino beharrezkoago ikusten du mugikortasun jasangarri hori bultzatzea, baina horretarako urratsak ematen jarraitu behar da eta zerbitzuak sortu Durangon bizikletaren erabilera errazagoa izan dadin, “eta ez kendu bizikleta-aparkalekuak, udaletxearen ingurukoak bezalakoak, gehien erabiltzen zirenak, bere kokapenagatik eta Udaltzaingoaren ondoan egotean eskaintzen zuen segurtasun-sentsazioagatik, eta, behin-behinean beste leku batera aldatu baina behin betiko desagertu dela dirudi”.

Hori guztia dela eta, eta oraindik gauzatu gabe dagoen akordiotik ia bi urte igaro ondoren, EAJ-PNVk Gobernu Taldeari eskatu dio lehenbailehen arin ditzala bizikletak gordetzeko leku hori Durangon irekitzeko egin beharreko izapideak.

PROGRAMA