Durangoko EAJk uste du zentzugabekeria handia dela EH Bildu-Elkarrekin Podemosek osatutako gobernu-taldea arreta desbideratzen saiatzea, osasun-arretari buruzko mozio bat aurkeztuta, eta, horrela, trenbidearen PERIaz eta Eusko Jaurlaritzako Lurralde Plangintza, Etxebizitza eta Garraio Sailarekin lortu duten aurreakordioaz hitz egitea saihestea.

EAJ-PNVk maiatzaren 4an erregistratu zuen Durangoko Udalean Trenbidearen Barne Eraldaketarako Plan Berezirako proposamena. Bertan, bereizmen handiko osasun-zentro bat eraikitzea jasotzen da, Gernikakoaren tankerakoa. Proposamen hori hainbat bileratan aurkeztu da Udalean ordezkaritza duten alderdi politiko guztiekin, eta, azkenik, Osoko Bilkuran. Hala ere, jaso duen erantzun bakarra kontramozio bat izan da, eta osoko bilkuraren egunean bertan izan du horren berri. Izan ere, ez da trenbideko BEPBa aipatu ere egiten, osasun-arretan soilik zentratzen baita. EAJ udal taldearen ustez honek erantzukizun eza adierazten du herritar durangarren aurrean, eta beharrezkoa dela gobernu talde honek arreta desbideratzea, Durangorako kaltegarria den aurreakordio batekin aurrera jarraitzeko.

“Oso deigarria da mozio honek osasunaren hobekuntza bakarrik azpimarratzea eta BEPBri aipamen bakar bat ere ez egitea. Argi dago arreta desbideratu nahi dutela, jada ez zaielako interesatzen BEPBari buruz hitz egitea. Badakite akordio txarra dela, eta, hala eta guztiz ere, aurrera jarraitu nahi dute 1298 lagunen babesarekin. Kontutan izan behar dugu EAJk 5.426 durangarraren babesa lortu zuen 2019ko hauteskundeetan eta gutxienez aukera hori mahai gainean jartzea merezi dute” azaldu duen bezala Mireia Elkoroiribe bozeramaile jeltzaleak.

Bozeramaile jeltzaleak berriro azaldu du zergatik uste duen EAJ-Durangok kaltegarria dela lortutako aurreakordioa. Laburbilduz, aurreakordioa beste geldialdi bat izango da, datozen urteetan gauzatu ezin delako; Durangori aukera galtzea ere ekarriko dio, udalaz gaindiko ekipamendu-espazioa desagertzean, bai eta ondarea galtzea ere, Eusko Jaurlaritzari udal-lurrak eta -eraikinak laga behar dizkiolako.

Durangoko EAJk adierazi duenez, gobernu-talde batek, edozein alderditakoa izanda ere, herritar guztientzat kudeatu eta interes orokorra zaindu behar du, eta ez du argudio guztiz alderdikoiekin jarraitu behar, Durangok hirigintzaren ikuspegitik aurrera egitea eta hobetzea ahalbidetuko duten proposamenak eta alternatibak planteatzeko aukerarik eman gabe, egungo eta etorkizuneko Durangoren beharretara egokitutako zerbitzu eta planteamenduekin.


Peri Ferrocarrilen proposamen honekin helburua da proiektu estrategiko bati irteera ematea. Proiektu horrek urteak daramatza geldirik, neurri batean EH Bilduk eta Podemosek oposizioan zeudenean egindako judizializazioari esker, eta orain ere geldirik jarraituko du, Durangori inolako balio erantsirik ez emateaz gain, eskatutako izapidetzeagatik ezin izango baita urteetan gauzatu.

“Osasun publikoaren hobekuntza partekatzen dugun helburu bat da, baina inoiz ez dugu lortuko eztabaida desbideratuz. Orain trenbideko PERIarekin aurrera egiteko aukera paregabea dugu, etxebizitza-eraikinen altuerak jaitsiz, Gernikako Ospitalearen tankerako osasun-zentro bat eraikitzeko ekipamendu-espazioa aprobetxatuz eta parke handi bat prestatuz, gure osasun-, etxebizitza-, mugikortasun- eta aisialdi-beharrei erantzuteko. Proiektu bideragarria, berehalakoa eta errealista da, eta gobernu-talde honek bertan behera utzi nahi du, durangarrei erabakitzeko benetako aukera eskaini gabe, Durangoko egungo eta etorkizuneko garapenerako proiekturik garrantzitsuena baita” Elkororibek azpimarratu duenez.