Durangoko EAJk Durangoko Udalari Uribarri 23 eraikina eraisteko aurrera egiteko eskatu ziola hiru hilabete zehatz bete direnean, urtebeteko itxaronaldiaren ondoren, aurrerapenik ikusi gabe, orain jakin izan dugu azkenean sinatu dela eraisteko akordioa, eta pozten gara. Pozten gara, gainera, gobernu-talde hau gai izan delako aurreko legegintzaldietan beraiek oztopatu zuten akordio bat negoziatzeko eta lortzeko.

Zalantzarik gabe, eraikin horren eraispenarekin zonaldeko segurtasunik ezaren eta osasungarritasunik ezaren arazoetako bat konpontzen da, horrek kezka handia sortzen baitzien inguruko bizilagunei; izan ere, 2021eko otsailean sinadura-bilketa bat egin zuten, eta mozio bat aurkeztu zuten, eta aho batez onartu zuten osoko bilkuran.

Durangoko EAJk beti egingo du erakundeen arteko lankidetzaren aldeko apustua akordioak lortzeko, uste baitugu hori dela garrantzitsuak diren proiektuak gauzatzeko modu bakarra.