Astarloa Elkarteak L 'Atelier Dantza Eskolaren lana Astarloa Sariarekin saritzea erabaki du aurten. Sari horrekin pertsonak eta elkarteak bereizten dira, beren lan profesionalagatik eta Durangorekiko konpromisoagatik.

Oraingoan, Durangoko L 'Atelier Dantza Eskolaren lana aitortu da Astarloa Sariarekin. Durangoko eskola bakarra da, eta gaur egun Durangaldeko 400 ikasle baino gehiago ditu. Aurten, Estatu mailan, akademiarik onena izendatu dute, hiru multzotan banatzen diren estilo-sorta zabala lantzeagatik: hiri-dantza, dantza garaikidea eta baleta, dantza klasikoa. Aurreko urtean, Estatuko dantza eskola onenaren Urrezko Iratxoa saria ere jaso zuen, zentro profesionala ez den 1000 eskola baino gehiagoren artean.

2005ean Oihane Azkonizagak sortu zuen eskola honen lorpenetako bat dantza eskolaz kanpoko jarduera eta aldi berean etorkizuneko formazioa ematea ahalbidetu izana da, lehen ezinezkoa zena. Gaur egun, prestakuntza integrala da, hainbat estilotakoa, eta lanbide horri etorkizunean heltzeko gaitasunarekin.

Hau Astarloa Sariaren 25. edizioa da, eta urte hauetan zehar Astarloa saria jaso dute Txetxu Baque, Jesus Egiguren Etxebarria musikagile eta musikaria, Errotari Talde Mikologikoa, Juan Antonio Aroma Lejarreta txistularia, Tromperri Dantza Taldea, Tabirako Saski Balo Taldea, Durangaldeko Merkatarien Elkartea, San Antonio Ikastetxea, Miguel Zugaza, Geu Be Elkartea, Durangoko Kulturala eta duela gutxi Durangoko Jesuitak Komunitatea bezalako elkarte eta pertsona ezagunek.

Saria abenduaren 30ean eman da Durangoko Batzokian, eta bertan izan dira Uri Buru Batzarreko eta Durangoko Udaleko Taldeko ordezkariak.