Oinez, txirringaz edo garraio publikoan garraiatzeko erabakia hartzen dugunean, udalerri jasangarriagorako ereduaren aldeko apustua egiten dugu, durangarren bizitza kalitatea guztiz erlazionatuta baitago garraio bideen aukeraketarekin. Horregatik,  Eusko Car Sharing Elkarteak  autoa erabiltzeko formula berriak proposatuko ditu, xede horrekin antolatuko duen hitzaldian.

Beste alde batetik, EVEk antolatutako ikastaroak ere eskainiko dira. Doako ikastaroak dira eta helduei zuzenduta daude. Gidatze eraginkorraren inguruko ikastaroan era ekologikoan gidatzen ikasteko aukera izango da eta horrela erregaia aurreztu ahal izateko. Ikastaro hauek irailaren 17 eta 20an emango dira eta izena emateko aukera emango da. Berrikuntza moduan, hiri barruan txirringa gidatzeko ikastaroa ere emango da irailaren 17an bertan,eta bertaratutako pertsonei txirringa eguneroko garraio bilakatzeko tresnak eta baliabideak emango zaizkie. Ikastaroetan parte hartzeko, beharrezkoa da izena ematea.